--Ads--
Maysa a lalaki ti biktima iti pammagkong ti saan pay nabigbig a suspek iti sangwanan ti Caltex Gasoline Station idiay Barangay Paras, Candon City, Ilocos Sur.
Nabigbig ti biktima a ni Ferdinand Villaruz Gadiano, agtawen iti tallopulo ket walo, taga-Barangay Talogtog, Candon City.
Segun iti maysa a witness, ti suspek a nakasuot iti yellow tshirt ken ti kaduana a ni Marvin Fernando Gonzalo a kadua ti biktima a naggapu iti Bojek Resto Bar ket adda saanda a nagkinnaawatan ket nagginnubalda agingga a nakadanonda iti paggasolinaan.
Pinadas ida nga anawaen ti biktima ngem binagkong ti suspek ti bukotna.
-- ADVERTISEMENT --
Naglibas ti suspek idinto a ti biktima ket naipaagas iti Candon City Hospital para iti pannakatamingna.
