Maysa a lalaki, aksidente a napaltuganna ti bagina

VIGAN CITY – Naipaagas iti ospital ni Macario Ramos Torreno, maysa a mannalon, agnaed iti Barangay Lao-ingen, Sto. Domingo gapu ta aksidente a napaltuganna ti bagina.

Imanmaneho ti mapapati a nakainom iti arak a biktima ti motorsiklona nga agturong iti abagatan, idin ta nagsardeng ta sinangatna ni Marvin Oamil a gumatgatang iti sigarilyo iti maysa a store gapu ti naraniag a headlight ti e-bike na.

Bayat ti panangikalkalintegan ni Oamil iti bagina, nangasot ti biktima iti paltog ket aksidente met a naputukan ti akin-kannawan a sakana.

Nupay kasta, saan a narekobre ti armas a nausar iti napasamak a pammaltog.