VIGAN CITY – Nakemmeg ti lalaki a Top 5 wanted person iti municipal level idiay Brgy. San Basilio, Magsingal, Ilocos Sur.
Segun ti Magsingal Municipal Police Station, ti akusado ket ni Eddie Manlapas Francisco, agtawen iti uppat a pulo ket tallo, addan ti live-in partner, awanan ti trabaho a tubo idiay Bayombon, Masbate City nga agnanaed ita idiay Brgy. Dacutan, Magsingal.
Ti panagtitinnulong dagiti pannakabagi ti linteg ket nakemmeg ti akusado babaen dagiti warrant of arrest iti kasona nga Anti-Violence Against Woman and their Children Act of 2004 Sec A and Sec. B a napetsaan idi October 13 ken kaso a murder ngaawan ti nairekomendar a pyansana ken para iti kaso nga Attempted Murder a nairekomendaran iti P120,000 a gatad ti pyansana a napetsaan idi August 11, 2022.
Dagiti nasao a warrant ti akusado ket naala babaen ti E-Warrant system ken naiserbi dagiti pannakabagi ti linteg.
