VIGAN CITY – Dead on arrival iti ospital ti maysa a baro a nagmotorsiklo gapu iti pannakaidungparna iti kongkreto a poste idiay Katipunan Road, Brgy. Bulala, Vigan City, Ilocos Sur.
Segun ti Vigan City Police Station, ti nagmaneho ti Yamaha mio a motorsiklo ket ni Rendell Rabbon Arista, agtawen ti duapulo ket tallo, addaan ti non-professional driver’s license nga agnaed idiay Barangay Cabittaogan, Sta. Catalina.
Agpapaamianan a direksyon ti motorsiklo idi nadanonna iti agsikko a paset iti kalsada ket naawanan ti kontrol iti driver a gappuanan ti pannakaidungparna iti kongreto a poste iti daya a paset iti kalsada.
Gapu ta saan a nakaaramat ti helmet ti driver ket nagsagaba iti nakaru a dunor ket uray naipan iti Ilocos Sur Provincial Hospital-Gabriela Silang, Tamag, Vigan City babaen ti nagresponde a kameng ti BFP-Vigan City personnel ngem naideklarar a dead on arrival (DOA) babaen ti attending physician-na.
