VIGAN CITY – Nadadael dagiti innem a glass panel ken dua nga automated teller machine ti Philippine National Bank iti asideg ti Puregold, Vigan City gapu ta aksidente a nadungpar iti maysa a kotse ngem no pay kasta, awan ti nadangran.
Iti pakauna nga imbestigasyon ti Vigan City PNP, saan a naigagara ti nagmaneho iti nasao a lugan ti gas pedal kabayatan iti panangiparkingna iti sangwanan ti nasao a bangko idinto a saannan a nakontrol ket nagderderetso a nadungparna ken rason ti pannakadadael iti sangwanan a paset ti lugan.
Natakuatan pay a ti drayber ti kotse ket saanna a kukua ti lugan no di ket naibaon laeng ta kinuyogna ti katugangan a babai ti mismo nga akinkua ti lugan a makitienda.
Gapu iti dayta ket naladingitan ti akinkukua ti nasao a lugan idi nakitana a nadadael ti kotsena ta pito a bulan pay laeng nga adda kenkuana manipud idi ginatangna.
Kabayatanna, addan ti inisyal a nagpatangan ti management ti bangko ken kasta met ti nagmaneho inaig ti pannakaipasimpa dagiti nadadael a sanikua.
