Maysa a Korean citizen ti naibalud idiay Lima Airport kalpasan a natakuatan dagiti security staff a nangipuslit ti 320 tarantulas, 110 centipedes, ken siam a bullet ant a nailemmeng iti uneg ti dua a barikes a naigalut iti bagina.
Nakemmeg ti lalaki a nagplano nga agturong idiay South Korea, idi nadlaw ti security ti sabsabali a swollen stomach.
Naala nga illegal manipud iti rehion ti Madre de Dios iti Peru dagiti animal, pakairamana dagiti tarantulas a kas kadakkel ti ima.
Ti illegal trafficking kadagiti endangered species ket aggatad iti million dollars ta mailakoda kas taraken wenno kadagiti kolektor.
Manguisayangkat ti Environmental Prosecutor’s Office ti imbestigasion iti nasao nga insidente, ken dagiti nasao nga animal ket agdama nga adda iti sidong ti panangaywan dagiti otoridad.
