VIGAN CITY – Maysa a konduktor ken pasahero ti nadunor iti panagtinnukbob dagiti dua a pampasahero a bus idiay Barangay Bitalag, Tagudin, Ilocos Sur.
Ti Florida bus ket minaneho ni Gilbert Gajultos Baltazar, agtawen iti limapulo ket innem, taga-Barangay Bangan, Sanchez Mira, adda inluganna a duapulo ket pito a pasahero ken maysa a konduktor.
Ti met Viron bus ket minaneho ni Charlue Rivera Lacangan, agtawen iti uppat a pulo ket pito, taga-Barangay Lubing, Burgos, adda met inlugana a duapulo a pasahero ken maysa a konduktor.
Agpapa-abagatan dagiti dua a lugan idin ta imbumbuntog ti drayber ti Florida bus ti agpataray ken pinilina ti agyan iti akin-kannawan a paset iti kalsada tapno agidissaag kadagiti pasahero idin ta tinukbob daytoy ti napaspas patarayna a Viron bus.
Gapu dayta, nagsagaba iti dunor ti konduktor ti Viron a ni Aldrin Sabado Silvania, agtawen iti uppat a pulo ket uppat, taga-Barangay Lanipao, Narvacan, Ilocos Sur ken ti maysa nga agtawen iti sangapulo ket innem a pasahero a taga-Poblacion West, Abra.
Saan met a naan-ano dagiti dua a drayber ken ti konduktor ti Florida kasta payen dagiti nabatbati a pasahero.
