--Ads--
VIGAN CITY – Maysa nga empleyado ti Local Government Unit ti Tagudin ti nagpositibo ti covid19 nga isu ti maikatallopulo a covid patient ti ili.
Ti pasyente ket agtawen iti duapulo ket dua a babai a taga Brgy Libtong, dua bulan a masikog a naipan iti Ilocos Sur District Hospital iti Brgy. Bio idi January 24 ta nakarikna ti severe abdominal cramps ken gurigor ket idi naidalan ti antigen test ket nagpositibo.
Gapu ti dayta, naidalan iti RT PCR test ti pasyente idi January 27 ket rimuar idi kalman, January 29 ti resulta na a positibo ti coronavirus.
Iti agdama, naka-admit iti Ilocos Sur District Hospital Isolation Facility ti pasyente idinto a maipaserra ti LGU ti Tagudin inton Feb1, aldaw ti Lunes para ti disinfection.
-- ADVERTISEMENT --
