VIGAN CITY – Nakemmeg ti maysa a jail officer iti naisayangkat a buy bust operation idiay San Nicolas, Candon City, Ilocos Sur.
Iti pannakipapatang ti Bombo Radyo Vigan ken ni PLt. Col. Jessie Balinang a hepe ti Candon City Police Station, ti suspek ket ni Jail Officer Ernie A. Guiruela, agtawen ti uppat a pulo ket pito, na-aasign iti Bureau of Jail Management and Penology, Cainta Rizal ken nadutokan kas custodial escort, nga agnaed idiay 1270 Roldan E APT Santo Niño Angono, Rizal.
Segun ken ni Balinang, nakemmeg ni Guiruela gapu iti panagilakona iti shabu a nasurok kumurang lima a gramo iti polis a nagpammarang a buyer.
Naduktalan met manipod ti Warden iti BJMP Rizal a naka-leave ni Guiruela idi nakemmeg isu a nakigtotda idi naamoanda nga adda ditoy probinsia isu nga agtultuloy iti imbestigasyon.
Naala kenkuana ti P10,000 a nagserbi a buy bust money, maysa a medium heat sealed transparent sachet a naglaon iti mapapati a shabu a nagserbi a buy bust item, maysa a sachet iti small heat-sealed iti mapapati a shabu, maysa a unit ti caliber 9mm a paltog nga adda magazine-na a naka-load ti maysa a live ammunition, maysa pay a live ammunition, granada ken lugan a Nissan Navara a maroon iti kolorna.
VIDEO AUDIO PLT. COL. JESSIE BALINANG
