VIGAN CITY – Nakemmeg manipud iti naiwayat a buy bust operation idiay Barangay VII, Vigan City ti maysa a listed drug personality a naibilang kas High Value Individual, CG Member Baclig-Sarsi Drug Group, Top 10 Regional Priority Target, Top 9 PDEA Provincial Target List iti salinong ti COPLAN PRANING TI ISPDEU.
Nabigbig ti suspek a ni Raymond Apolonio Ponce, agtawen iti tallopulo ket uppat, taga-Purok 3, Zone 8, Barangay Cupang, Antipolo City. Rizal ken agdama nga agnaed iti Barangay VII, Vigan City.
Naaktuan ti suspek nga agilaklako iti maysa a piraso ti small transpareny plastic sachet a naglaon iti mapapati a shabu a naibungon iti bassit a cigarette foil iti pulis a nagpammarang kas poseur buyer.
Naala met manipud iti suspek ti tallo a piraso ti transparent plastic sachet a naglaon iti mapapati a shabu a naibungon iti cigarrete foil ken maysa a piraso ti one thousand peso bill a nagserbi kas buybust money.
Dagiti naala manipud iti suspek ket agdagsen iti nasurok kumurang maysa a gramo nga aggatad iti PHP6,800.
