Nakemmeg ti maysa a High Value Individual babaen iti pannakaiwayat ti buy-bust operation idiay Barangay Pantay Daya, Vigan City, Ilocos Sur.
Nabigbig ti suspek a ni Viviana Baptista Velasco, agtawen iti uppat a pulo, Regional Target ti List ti ISPDEU ken PDEA ISPPO iti salinong ti Coplan Madam V, taga-Bantaoay, San Vicente ngem aggigyan idiay Barangay Pantay Daya, Vigan City.
Naala kenkuana ti limapulo a gramo ti maatap a shabu nga aggatad iti PHP350K a naikabil iti innem a piraso ti heat sealed transparent plastic sachet.
Dagiti non drug evidence ket pakairamanan ti maysa a genuine one-thousand-peso bill; lima a piraso ti one thousand a boodle money; karton ti sigarilyo; motorsiklo; dua a cellphoe; box ti mint candy; ken tallo nga improvised scoop.
Sangwen ti suspek ti kaso a panaglabsing iti RA 9165 wenno Comprehensive Dangerous Drugs Act of 2002.
