VIGAN CITY – Kaso a panaglabsing iti Republic Act 9165 wenno Comprehensive Dangerous Drugs Act of 2002 ti sangwen ti maysa a lalaki a na-buy bust idiay Brgy. IX, Vigan City.
Nabigbig ti suspek a ni Ramon Cruz alyas “Bonito”, agtawen iti uppat a pulo ket tallo, mekaniko nga agnaed iti nasao a lugar ken nailista a High Value Individual Top 10 priority target iti Regional level.
Naala kenkuana ti maysa a piraso ti heat-sealed transparent plastic sachet ti shabu a nagserbi kas buy bust item, maysa a piraso ti bassit a heat sealed transparent sachet ti shabu nga ikot ti suspek nga agdagsen iti dua a gramo ken aggatad iti PHP13,600, rolled paper ken maysa a cellphone.
Malaksid ti dayta, naala pay kenkuana ti sangaribo a pisos a buy bust money ken tallo a piraso ti sangaribo a pisos a boodle money.
Nakakustodian ti suspek iti Vigan City Police Station tapno dumalan iti husto a proseso.
