VIGAN CITY – Makabulan a nasipsipotan ti maysa a high value individual iti salinong ti COPLAN “Dammal” ken Philippine Drug Enforcement Agency Top 4 Regional Target sakbay a naiserbi kenkuana iti search warrant operation gapu ti panaglabsingna iti Republic Act 9165 idiay Barangay Sabang, Cabugao.
Iti pannaki-uman ti Bombo Radyo Vigan ken ni Police Major Juan Jhayar Maggay a hepe ti Cabugao Municipal Police Station, damo a matiliw ni Danmar Sumibcay, agtawen ti tallopulo ket dua naasawaan ken fish vendor ngem datin a simmuko kas drug user.
Segun ken ni Maggay, nupay datin a user ket itan nabigbig pay ni Sumibcay kas drug pusher ta agop-operate isuna iti ili ti Cabugao.
Naala kenkuana iti sangapulo ket maysa a small heat-sealed transparent plastic sachet a naglaon iti mapapati a shabu nga agdagsen iti nasurok kumurang 1.1 a grami nga aggatad iti P7,000 a naipan iti mint container.
Addan iti kustodiya iti Cabugao Municipal Police Station ti suspek pakairamanan ti naala kenkuana para iti proper disposition.
TI PANAGSARITA NI POLICE MAJOR JUAN JHAYAR MAGGAY
