VIGAN CITY – Natagbat ti maysa a lalaki nga agtawen iti duapulo ket siam a security guard idiay Brgy. Sabuanan, Sta. Lucia.
Nabigbig ti biktima a ni Aurelio Quetevis Jr., single ken ti suspek a ni Edrian Busano agtawen iti duapulo ket dua . maysa met laeng a security guard, single nga agpada a residente iti nasao a barangay.
Basar ti report manipud iti Sta. Lucia Municipal Police Station, agin-inom ti arak dagiti dua agingga nga awan ti aniaman a rason no apay a tinagbat ti suspek ti biktima iti namin ado a daras.
Naipaagas ti biktima idiay Candon City Hospital para iti naan-anay a pannakatamingna ken simmuko ti suspek kadagiti otoridad ket narekobre ti naaramat a buneng.
Naduktalan dagiti otoridad a mapapati a maipanggep iti trabaho ti rason no apay a tinagbat ti suspek ti kasinsinna.
Iti agdama, maisagsaganan ti kaso a frustrated murder kontra ti suspek.
