VIGAN CITY – Naipaagas iti ospital ti maysa a Grade 7 student ta nadungpar iti kotse bayat ti panagballasiwna kaduana ti gagayyemna iti sangwanan iti maysa a pagadalan idiay Barangay Bulag, Bantay, Ilocos Sur itay alas dose singkwetay singko iti aldaw (December 4, 2023).
Iti pannaki-uman ti Bombo Radyo Vigan ken ni PCapt. Sherwin Beroña a Deputy iti Bantay Municipal Police Station, ti pedestrian ket agtawen iti sangapulo ket dua a residente iti Taleb, Bantay idinto a ti nagmaneho iti Toyota wigo a color gray ket ni Roger Quiocho Quibol, agtawen iti pitopulo ket maysa nga agnaed idiay Barangay Casiber, Santa.
Segun ken ni Beroña, napaspas nga agpapaamianan a direksyon ti kotse idin kellaat a bimmalasiw ti ubing nga agpalaud a direksyon isu a nadungpar iti kotse.
Gapu dayta, na-fracture iti akin-kannawan nga abaga ti ubing isu nga insigida a naipan iti Metro Vigan Cooperative Hospital para iti pannakatamingna idinto a saan a naan-ano ti driver ti kotse.
Nupay kasya nakapagsaritan ti nagannak ti ubing ken nagmaneho ti kotse inaig iti magastos iti ospital.
VIDEO NI PCAPT. SHERWIN BEROÑA
