VIGAN CITY – Agtultuloy iti imbestigasyon dagiti otoridad iti mapapati a panagtakawan iti maysa a fruit stand iti national highway idiay Brgy. Barbarit, Magsingal.
Nabigbig ti biktima nga akinkukua iti fruit stand a ni Juvy Tolentino Asuncion, agtawen iti uppat a pulo ket siam, naasawaan nga agnaed idiay Brgy. Barbarit, Magsingal idinto a ti suspek ket saan a nabigbig.
Segun ti Magsingal Police Station, gimmatang ti pinya ken saba ti suspek iti Whinby fruit stand isu a kinilo ti agtagilako a ni Felicita Nena Sunio Dulduao, agtawen iti limapulo ket siam, housewife nga agnaed iti nasao a lugar ngem kellaat nga innala ti suspek ti nangisit a bag a kukua ni Asuncion ken napan iti nagparkingan iti motorsiklona ken naglibas.
Ti nasao a bag ket naglaon iyi P4,000, limapulo a euro a kuarta, agduduma nga ID, dua a passbook, cellphone nga aggatad iti P5,000, ken urinal nga addaan ti P400.
Kabayatanna, ti nasao a suspek ket nakaaramat iti nangisit a helmet, face mask, black shirt, ken leggings, ken 5’2′ iti katayagna.
