VIGAN CITY – Maysa a lalaki nga agtawen ti duapulo ket walo manipud iti Brgy. Bagani Togco, Candon City ti maika uppat a pulo ket innem a kaso ti Covid19 iti probinsia.
Ti pasyente ket Authorized Person Outside Residence ta maysa a frontliner, awan ti aniaman a nariknana a sintomas iti Covid19, adda travel history na idiay National Capital Region ta adda iti napateg a ginagarana.
Nakapulapol ti pasyente ti IC-C37 a maysa a locally stranded individual, IS-C38 a maysa nga Returning Overseas Filipino ken ti maikauppat a pulo ket lima a pasyente isu a maisayangkat ti nalawlawa a contact tracing gapu ti kinaadu dagiti sabali pay a nakapulapolna.
Gapu iti dayta, manipud August 1 agingga August 15 ket maidalan iti extreme enhanced community quarantine dagiti lugar a naibilang kas critical zone, modified enhanced community quarantine dagiti naibilang kas containment zone ken general community quarantine dagiti naibilang a buffer zone.
