Nasalamaan ti maysa a freezer van bayat ti Animal Quarantine Checkpoint idiay Barangay Bio, Tagudin, Ilocos Sur.
Iti pannaki-uman ti Bombo Radyo Vigan ken ni PMaj. Kleyvan Paycao S. Dalang ti Tagudin Municipal Police Station (MPS), dagiti dua a suspek ket boluntario a nagpa-inspect ngem awan ti maipakitada a dokumento mainaig iti panangibiahe ti processed a karne.
Nabigbig dagiti suspek kas maysa a drayber ken maysa a pahinante, agpada nga agnaed ti Barangay Tubod, Sto. Tomas, La Union, ken agturongda ti Ilocos Norte.
Nakumpiskar kadakuada ti maysa a freezer van ken nasurok a 100 kilo ti processed meat.
Sangoen dagiti suspek ti kaso a panaglabsing ti Provincial Ordinance No. 1506 s. 2015 wenno Animal Quarantine Ordinance.
Manipod iti kustodiya iti Tagudin Municpal Police Station ket maiyakarda iti Animal Quarantine Department idiay Vigan City, Ilocos Sur para ti husto a proseso.
