VIGAN CITY – Naawaten iti ili ti Lidlidda iti baro a firetruck kalpasan iti mano a dekada a panagkiddawda ta idi 1996 iti kaunaan a naaddaanda iti firetruck.
Babaen iti tignay ni Municipal Mayor Atty. Sherwin Tomas a nagturong iti DILG Central office a nagipasa iti resolution a mangkiddaw iti pannakagatang iti baro a firetruck para iti ili ket napatgan met laengen.
Ti nasao a firetruck ket nagtaud iti Department of Interior and Local Government ken Bureau of Fire Protection.
Kabayatanna, ti bendisyon ken turn-over ceremony ket nakipagpasetan ni SSupt. Rizza Simbajon, DSC, BFP Regional Director ken staff-na, Supt Nemesio Valenciano Jr., Provincial Director ken staff, ken Marshals iti agduduma a Fire Station iti maikadua a distrito iti probinsia.
