VIGAN CITY – Balligi a naiserbi ti search warrant iti pagtaengan ni Roderick Poca Vendiola, agtawen iti uppat a pulo ket uppat, maysa a Street Level Individual, Drug Surrenderee, ken agnaed iti Brgy. Rancho, Santa.
Iti pannaki-uman ti Bombo Radyo Vigan ken ni Police Captain Mark Bryan Corpuz, tallo a search warrant ti naiserbi ti suspek gapu ti panaglabsingna iti RA 9165 wenno Comprehensive Dangerous Drugs Act of 2002, RA 10591 wenno Comprehensive Firearms and Ammunition Regulation Act, ken RA 9516 wenno Disposition Of Firearms, Ammunition Or Explosives.
Ti warrant of arrest-na ket inuar ti Presiding Judge, Branch 9 Family Court, RTC, First Judicial Region, Narvacan a napetsaan ti June 29, 2023.
Nakumpiskar kenkuana ti pito a small heat-sealed transparent plastic sachets a naglaon ti mapapati a shabu a mapatta-patta nga agdagsen ti 1.5 grams ken aggatad ti PHP10,200, ken dadduma pay a drugs paraphernalia.
Malaksid dayta, naala pay ti maysa a black belt bag a naglaon ti hand grenade, maysa a caliber 38 revolver a nakargaan ti uppat a live ammunition.
Segun ken ni Corpuz, positibo ti suspek nga agus-usar ti droga, ken umuna a gundaway a matiliw.
July 11, 2016 ket simmuko ti suspek kadakuada ngem awan ti partisipasyonna a maikontra ti linteg, ngem gapu ta nakaawat da iti report isunga nangisayangkatda iti surveillance ken monitoring a nakakumpirmaranda iti iligal nga aramidna.
