VIGAN CITY – Nakemmeg ti maysa a drug personality a street value individual idiay Sitio Saoil, Brgy. Poblacion, Quirino, Ilocos Sur.
Segun ti Quirino Municipal Police Station, ti suspek ket ni Jerold Uda Combas, agtawen iti duapulo ket dua, naasawaan nga agnaed idiay Malideg, Quirino.
Insayangkat iti buy bust operation dagiti otoridad iti nasao a lugar a nagresultaan iti pannakakemmeg ti suspek.
Naala kenkuana iti dua a piraso iti heat sealed transparent plastic sachet a naglaon iti mapapati a shabu nga agdagsen iti 0.8 a gramo nga aggatad iti P5,440; maysa a sangaribo a pisos a nagserbi a buy bust money; maysa a cellphone; maysa a power bank; dua a lighter; maysa a brown a sling bag; maysa a charger iti cellphone ken maysa a motorsiklo a Yamana Nmax nga inaramat ti suspek.
