VIGAN CITY – Nakemmeg ti maysa a lalaki nga street level individual iti buy bust operation idiay Barangay Binalayangan, Sto. Domingo.
Ti suspek ket agtawen iti uppat a pulo, agnaed iti Barangay Puro, Magsingal.
Iti pannaki-uman ti Bombo Radyo Vigan ken ni Police Captain Joseph Fieldad, ti suspek ket nailista a drug personality iti ili ti Magsingal ken datin a natiliw idi 2018 ngem nag-plea bargaining ken nagprobation.
Naala kenkuana ti PHP4,488 a gatad ti lima a piraso ti heat sealed transparent plastic sachet a nagserbi kas buy bust item.
Dagiti non drug evidence ket pakairamanan ti dua a genuine one thousand peso bill a buybust money; lima a piraso ti genuine one hundred peso bills; maysa a piraso ti genuine fifty peso bills; maysa a genuine twenty peso bill; wallet; tallo nga aluminum strip marked; dua a lighter ken cellphone.
