VIGAN CITY – Maysa a drug personality ti nakemmeg iti naiwayat a buybust operation idiay Brgy Poblacion East, San Ildefonso.
Nabigbig ti suspek a ni John Derick Plastina Reotutar, agtawen ti sangapulo ket walo, ALS Grade 11 a taga-Brgy Pusuac, Sto Domingo,S naibilang nga SLI iti provincial Priority target.
Babaen ti panagtitinnulong dagiti pannakabagi ti linteg, naaktoan ti suspek a nagilako iti dua a medium heat sealed transparent sachet nga aglaon ti marijauan leaves iti poseur buyer.
Naala pay kenkuana ti maysa a medium heat-sealed transparent plastic sachet ti marijuana leaves nga ikotna ken maysa a piraso ti 500-peso bill a nagserbi kas buy bust money.
Dagiti nakumpiskar ket agdagsen iti nasurok kumurang duapulo a gramo nga aggatad ti 2,400 pesos.
Naipan it Ilocos Sur District Hospital Magsingal ti suspek para iti medico-legal examination ken dumalan iti drug test.
