VIGAN CITY – Nakemmeg idiay Brgy. Lapting, San Juan ni Marlou Somera Sajor alyas Sito, agtawen ti uppat a pulo ket tallo, naasawaan, awanan ti trabaho, agnaed idiay Brgy. Bonifacio Cabugao a Top 2 Municipal Level iti naisayangkat nga Anti-Illegal Drugs Operation.
Iti pannaki-uman ti Bombo Radyo Vigan ken ni PCapt. Christopher Ramat iti San Juan Municipal Police Station, babaen ti panagtitinnulong dagiti pannakabagi ti linteg ket nakemmeg ti suspek nga user ken pusher iti droga.
Segun ken ni Ramat, datin nga adda iti kaso ti nasao a suspek idi tawen 2015.
Kabayatanna, naala manipod ti suspek ti lima a plastic sachet iti mapapati a shabu a possession ken maysa a plastic sachet iti mapapati a shabu a nagserbi a buy bust item nga aggatad iti tallo ribo uppat a gasut a pisos kasta pay iti maysa a calibre 38 revolver wenno paltik, maysa ribo a pisos, maysa a lighter ken keypad a cellphone.
