VIGAN CITY – Maysa ti nadunor iti napasamak nga aksidente iti national highway ti Barangay Langlangca 2nd, Candon City a nakairamanan ti dua a lugan.
Ti Isuzu Cargo Wing Van Truck ket minaneho ni Rix Maquilan Acabal, agtawen iti duapulo ket lima, taga-Barangay Balaleng, Bantay.
Ti met nagmaneho iti Mitsubishi Canter Aluminum Van ket minaneho ni Reygan Mission Cabillos, agtawen iti tallopulo ket pito, taga-109, Cubic Side Merville, Paranaque City.
Basar iti statement ti maysa a witness, imanmanehona ti motorsiklona nga agpa-amianan nga adda isuna iti likudan dagiti dua a lugan.
Idi nagtengda ti nakapasamakan ti insidente, immagaw ti linya ti aluminum van a linisyan met ti wing van truck ngem nadungparna latta ti akin-kannigid a likudan a paset ti wing van, puon ti panagdinnungparda.
Nagsagaba ti drayber ti aluminum van iti minor injuries iti imana idinto a saan a naan-ano ti drayber ti wing van.
Ti wing van ket nadadael ti kin-kannigid a likudan a paset pakairamanan ti pilidna idinto a ti aluminum van ket nadadael ti kin-kannigid a pasetna iti sango.
