Inlibak ni dismissed Bamban Tarlac mayor Alice Guo nga isu ket Chinese spy kalpasan a naipabuya ken inpakita ni Representative Cheeno Miguel Almario ti dokumentario ti Al Jazeera maipapan iti maipagarup nga Chinese scammer iti hearing ti House quad-committee.
Naipakita iti dokumentario ti tycoon a ni She Zhijiang, a nangakusar iti maysa a partikular a Guo Huaping nga adda iti dossier-na.
Segun kenni She Zhijiang nga isu ken ni Guo Huaping ket in-dedicate dan iti biagda ti China Ministry of State Security ken innalukoyna ni Guo nga ibagana iti kinapudno no saanna kayat ti ma-eliminate.
Innayon pay ni She Zhijiang a kiniddaw ni Guo kenkuana a pondoanna ti political campaign na, ngem nagkedked ni Zhijiang.
Inlista ti dossier ti China iti nakaipasngayan ni Guo ken na-identified ti inana a Lin Wen Yi, ken nakairekord pay ti address ni Guo idiay China, a nasarakan ti Al Jazeera nga address ti local office ti Chines Communist Party.
Nakisarita met ti Al Jazeera dagiti umili idiay Fujian, a nangibaga a binigbigda ni Guo kas anak ni Lin Wen Yi.
Pinasingkedan dagiti residente a naipasngay ni Guo iti nasao a lugar ken maipagarup a pimmanaw idi tawen 2002.
Impapilit met ni Alice Guo a saanna nga am-ammo ni She Zhijiang, ken planona ti mangipila iti reklamo kontra kenkuana ken ti Al Jazeera.
