VIGAN CITY – Maysa a dati a pulis iti naireklamo dagiti agasawa a pulis ta mapapati a nagpaputok iti paltog na idiay Brgy. Pandan, Caoayan.
Basar ti report manipod ti Caoayan Municipal Police Station, nakaawat da ti impormasyon manipod ti 911 nga adda iti mapapati a nagpaputok ti paltog na iti nasao a barangay iso a nagrespondeda nga insigida ti pagtaengan ti mapapati a nagpaputok ti paltogna a ni Richard Cuyo ngem naka iddepen ti silaw iti pagtaenganda idi danonen ti PNP.
Iti nasao met laeng nga aldaw idi kalman ti rabii nagturong ti opisinada da PSSg. Eizen Valdez ken PSSg. Maricon Valdez tapno mangited ti sworn statementda ken iti panangipila ti kaso nga alarm and scandal kontra iti mapapati a suspek.
Segun kenni PCapt. Joseph Bantullay, hepe ti Caoayan PNP, adda iti saan a panagkinnawatan dagiti dua a partido nga agkakabagyan ket idi rabii mapapati a nakitada a nagpaputok iti paltog ni Cuyo.
No pay kasta agtultuloy iti imbestigasyon ti Caoayan Municipal Police Station inaig iti nasao a pasamak.
