VIGAN CITY – Agpapalaingen ni Dan Cafongtan, maysa a nurse idiay Fukuoka, Japan a taga- Mt. Province ken COVID19 survivor gapu ta addaan isuna iti contact iti maysa a positive patient .
Segun ken ni Cafongtan, sangapulo ket lima kadakuada a nurse iti ospital a pagtrabtrabahoanna iti nagpositibo isu a naidalanda amin iti treatment ngem kunana nga idi naiyakar isuna iti sabali a ward ket naduktalan a carrier isuna iti virus isu a nai-isolate iti dua a lawas.
Idi umuna a pannakaidalanna iti testing ket nagnegatibo ti resultana ngem idi April 7, naggurigoren isuna ken madin iti kaririknana isu a naidalan iti PCR ken CT scan ket naduktalan a positibo isunan iti nasao a sakit.
Gapu iti dayta ket nagtumtumar iti Avigan, maysa nga anti viral drug a nadiskubre idi 2014 iti nasao a pagilian ken isu pay ti libre a naited kadagiti sabali a pagilian kas tulong kadagiti COVID19 patient.
Kabayatanna, pinasingkedanna a no man pay kasta ket maal-alana latta iti buo a sweldona.
