VIGAN CITY – Maysa iti kada uppat a minutos ti matmatay idiay New Delhi, India gapu ti baro a Covid19 variant a natakuatan kas pinasingkedan ni Bombo International Correspondent MJ Albar nga adda idiay Goa, India – nagbaetan ti Mumbai ken New Delhi nga isu met sentro ita ti nakaro a sitwasyon ti Covid.
Iti pannaki-uman ti Bombo Radyo Vigan ken ni Albar, nangrugi a kimmaru ti sitwasyon iti nasao a pagilian kalpasan ti maysa a religious festival a naaramid a nangitundaan iti worldwide lockdown.
Siam a pulo a porsiento iti populasyon pakairamanan dagiti OFW ti naawanan iti trabaho gapu ti Covid ngem awan pulos ti tignay ti Indian government a tumulong kadagiti naapektaran isu nga adda ti binukelda a bayanihan project a mangtulong kadagiti padada a Pilipino a nabaybay-anen iti gobierno.
Malaksid ti dayta, makanay pay laeng dagiti oxygen nga aramaten dagiti pasyente ken full capacity-n dagiti ospital gapu ti kinaadu dagiti pasyente a dagiti dadduma ket agur-urayen iti kalsada para ti pannakai-admit-da.
