VIGAN CITY – Dead on arrival iti ospital ni Jomarie Saturno Ramos, agtawen iti tallopulo ket dua, construction worker, ken residente iti Barangay Dardarat, Cabugao gapu ti pannakakuryente na.
Iti pannaki-uman ti Bombo Radyo Vigan ken ni Police Major Juan Jhayar Maggay a hepe ti Cabugao Municipal Police Station, nagpakada iti biktima agarup alas sais ti bigat iti Hulyo 11, 2023 tapnu mapan na simpaen iti wire ti kuryente a nakakabit iti pagtaenganda nga adda iti kaadayo a nasurok kumurang sangngasut a metro manipod iti pagtaenganda.
Segun ken ni Maggay, maysa a residente iti nasao a lugar iti napan iti taltalon tapno agburas iti nateng, ket nakita na ti biktima a nakapakleb iti daga, ken awan puot na isu a naipan ti biktima iti Pira Clinic and Hospital, ngem naideklarar a natayen.
Innayon pay ni Maggay, apaman a nakitada ti biktima ket ammo dan a nakuryente ta napakleban na iti wire ti kuryente, ken makita da iti dadduma a paset ti bagi na nga adda litem na.
Voice of Police Major Juan Jhayar Maggay
