--Ads--
VIGAN CITY – Maysa a Top 1 Municipal Level a wanted person ti nakemmeg idiay Brgy. Nalvo, Sta. Maria, Ilocos Sur.
Segun ti Sta. Maria Municipal Police Station, ti akusado ket ni Ryan Pascua Velasco, agtawen iti sangapulo ket siam, baro, construction worker nga agnaed idiay Brgy. Nalvo, Sta. Maria.
Babaen ti panagtitinnulong dagiti pannakabagi ti linteg ket nakemmeg ti akusado gapu iti panaglabsingna iti Sec 5 iti RA 7610 babaen ti bileg ti warrant of arrest nga inuar ti 1st Judicial Region, Branch 9, Narvacan a nairekomendaran ti P400,000 para iti temporaryo a pannakawaya-wayana.
Iti agdama, adda iti kustodiya iti Santiago Police Station ti akusado tapno dumalan ti husto a proseso sakbay a maipan iti korte.
-- ADVERTISEMENT --
