Nakemmeg ti maysa a Street Level Individual iti buy bust operation idiay Brgy. Poblacion, Sto. Domingo, Ilocos Sur itay alas kuatro dies iti malem, September 26, 2024.
Ti suspek ket agtawen iti uppat a pulo ket tallo, naasawaan, construction worker nga agnaed idiay Barangay Vacunero, Sto. Domingo.
Iti pannaki-uman ti Bombo Radyo Vigan ken ni PCpt. Joseph Fieldad nga Officer-in-Charge iti Sto. Domingo Municipal Police Station, ti suspek ket datin a drug surrenderee ket idi nadamagda a nagsubli iti aktibidadna ket namonitor agingga naisayangkat iti operasyon.
Segun ken ni Fieldad, naala manipod iti suspek ti tallo a piraso iti heat-sealed transparent plastic sachets iti mapapati a shabu nga aggatad ti P10,880 nga agdagsen iti 1.6 a gramo.
Dagiti non-drug evidence a naala pay manipod iti suspek ket dua a piraso iti P1,000 a nagserbi a buy bust money; maysa a unit iti oppo cellphone; ken maysa a unit iti mountain bike.
Manamnama nga inton bigat September 27, 2024 ket maipilan iti kaso kontra iti suspek.
Kabayatanna, impasigurado ni Fieldad nga agtultuloy iti pananglabanda iti illegal nga aktibidad ket kiddawna iti pannakitinnulong dagiti umili para iti nadardaras a panagtignayda.
VIDEO – PCPT. JOSEPH FIELDAD
