VIGAN CITY – Maysa a construction worker iti nakemmeg iti naiwayat a buy bust operation idiay Brgy. Quezon, Cabugao, Ilocos Sur.
Nabigbig ti nakemmeg a ni Juris Salveda Valledor, agtawen iti duapulo ket dua, baro nga agnaed idiay Cuancabal, Cabugao.
Babaen ti panagtitinnulong dagiti pannakabagi ti linteg ket nakemmeg ti suspek iti nasao a lugar ket naala kenkuana ti maysa a sling bag, tallo a piraso iti plastic sachet a naglaon ti shabu, maysa a nakupel a papel a naglaon iti napagango iti bulong iti marijuana, maysa a metal tube, maysa a lighter, sangaribo a pisos a nagserbi a buy bust money, uppat a sagpipiso ken maysa a cellphone a color blue.
Iti agdama, addan iti kustodiya ti Cabugao Municipal Police Station ti suspek pakairamanan dagiti naala kenkuana tapno dumalan ti husto a proseso.
