VIGAN CITY – Dead on arrival iti ospital ti maysa a construction worker ta nagbekkel idiay Barangay Bitalag, Tagudin, Ilocos Sur.
Segun ti Tagudin Municipal Police Station, ti biktima ket ni Chester Cheng Caditeng Dauz, agtawen iti tallopulo ket uppat nga agnaed iti nasao a lugar.
Nakaawat iti report dagiti otoridad inaig iti pannakasarak iti biktima babaen kada da Lydia Dauz nga ina ti biktima, Jay-Ar Dauz a kabsat ti biktima ken D-Ver Lazo a karruba ti biktima.
Sakbay iti insidente ket nakaawat iti mensahe ni Lazo iti messenger manipod iti kasinsinna a ni Reyzaldy Lazo a nangbilin kenkuana a mapanna kitaen ti biktima ta pinakaammoan isuna ni Beverlyn Fabregas a nobya ti biktima nga adda plano ti biktima na nga agpakamatay ta adda iti saan a nagkinnaawatan ken nagsinnungbatda idi nagtinnawagda.
Gapu iti pannakakitada a nakabitin ti biktima ket inikkatda iti tali a naigalot kenkuana ket naipan iti Ilocos Sur District Hospital – Bio Tagudin ngem naideklarar a dead on arrival babaen ti attending physician-na.
