--Ads--
VIGAN CITY – Dukduktalen dagiti kameng ti Bureau of Fire Protection no ania ti nagtaudan ti uram iti Teddy Lim Building idiay Bonifacio Street corner Sikatuna Street, Barangay I, Vigan City.
Ti pasdek ket kukua ni Arvin Chan, agtawen iti uppat a pulo ket innem, agnaed iti nasao met laeng a lugar.
Nakaawat ti Vigan City Police Station a nauram ti nasao a pasdek isu a dagus met a nagresponde dagiti kameng ti Vigan City Police Station ken ti BFP-Vigan City.
Timmulong pay met a nagresponde ken nangsebseb iti uram ti BFP-Sta. Catalina, San Vicente, Caoayan, BCS Fire Brigade ken ti JTC Fire Protection team.
-- ADVERTISEMENT --
