VIGAN CITY – Panaglabsing ti Provincial Ordinance #15-06 series of 2015 iti sangwen ti maysa a lalaki a nasalamaan idiay Brgy. Bio Tagudin.
Nabigbig ti lalaki a ni Mark Oliver Antonio Tamsi, agtawen ti duapulo ket lima, baro, driver nga agnaed idiay San Antonio, Aringay, La Union, driver iti puraw nga Isuzu Forward Closed Van.
Maibasar ti pakaammo ti Tagudin Municipal Police Station, babaen ti panagtitinnulong dagiti pannakabagi ti linteg ket nakemmeg ti driver nga addan ti linaon ti minanehona a lugan ti tallopulo a kilo iti Beef Agra ken limagasut tallopulo ket lima a Kilos Beef Flanks a ti mapatta-patta a presyona ket 121,325 a pisos para iti panaglabsing ti sec. 4 paragraph b No shipping permit ken awanan ti certificate of meat inspection.
Kabayatanna, ti nakemmeg a driver ket addan ti kostudiya ti pannakabagi ti linteg tapno dumalan ti husto a proseso.
