--Ads--
VIGAN CITY – Naipaagas iti Ilocos Sur District Hospital-Magsingal ti maysa a Brgy. Kagawad gapu ti pannaka-aksidentena idiay Brgy. San Vicente, Magsingal.
Nabigbig ti naaksidente a ni Braulio Tabion, agtawen ti innem a pulo ket uppat, naasawaan nga agnaed idiay Brgy. Nagsupotan, San Juan.
Maibasar ti imbestigasyon, manarimaan ti panangisayangkat ti PNP/Comelec checkpoint dagiti kameng ti Magsingal Police Station idin nadungpar ti checkpoint signboard ni Tabion ta naawanan ti kontrol ti manibelana bayat ti panagmanehona ti motorsiklo a gappuanan ti pannakadunorna.
Nupay kasta, saan pay nga ammo nu mano ti gatad ti nadadael a paset ti lugan ni Tabion.
-- ADVERTISEMENT --
