VIGAN CITY – Nakemmeg iti naisayangkat a search warrant idiay Brgy. Malamin, San Juan ni Constante Vito Cruz, agtawen iti pitopulo ket tallo, dati a Barangay Kapitan ngem agdama a Barangay Council.
Segun ken ni PMaj. Christopher Ramat iti San Municipal Police Station, naisayangkat iti search warrant gapu ti naawatda a report nga agik-ikot kadagiti paltog ni Cruz nga awan ti dokumentona.
Naala kenkuana ti lima a paltog pakairamanan ti adda dua a shot gun a long ripple ken tallo a ripple a Cal. 22.
Kinuna ni Ramat inamin ni Cruz a kukuana dagiti ripple ta araramatenna a pagan-anup.
Kabayatanna, ti nasao a nakemmeg ket pakairamanan ti naala kenkuana ket addan ti kustidiya iti San Juan Municipal Police Station tapno dumalan ti usto a dokumentasyon ken disposition.
