VIGAN CITY – Dead on arrival iti ospital ni Lawrence Guillen Angco, agtawen iti innem a pulo ket lima, naasawaan, Brgy. Captain nga agnaed idiay Barangay Poblacion, Sto. Domingo ta napaltogan idiay Barangay Panay Norte, Magsingal, Ilocos Sur.
Segun ti Magsingal Municipal Police Station, bayat nga agmanmaneho iti nangisit a Yamaha NMAX 155 motorcycle ket dimteng ti suspek a nakamotorsiklo ket pinaltoganna iti namin-ano a daras ti biktima ken nagsagaba iti adu a gunshot wound iti agduduma a paset ti bagina.
Naglibas ti suspek a nagturong iti bagatan a direksyon idinto a ti biktima ket naipan iti Ilocos Sur District Hospital-Magsingal ngem naideklarar a dead on arrival.
Agtultuloy iti dragnet operation dagiti otoridad para iti pannakakemmeg ti suspek.
