VIGAN CITY – Adu a rigat ken puyat ti inaramid ti maysa kadagiti board passer iti Geodetic Engineer Licensure Exam tapno maipasana iti eksaminasyon a naisayangkat idi October 25 ken 26 iti agdama a tawen.
Iti pannaki-uman ti Bombo Radyo Vigan ken ni Engr. Loi Valerie Bajog Marzan a nagadal manipod University of Northern Philippines, napalaus iti ragsakna ken panagyamanna iti Namarsua iti pannakapasana iti kaunaan a gundaway a panageksamna.
Segun ken ni Marzan, naiparit ti calculator nga aramatenna koma idi manarimaan iti eksaminasyon ngem adda iti nagipabulod kenkuana isu a naisakadna.
Imbingayna a napilina iti Geodetic Engineering a kurso idi nagkolehio ta manmano laeng iti mangal-ala iti nasao a kurso ngem ti immuna a kinalikagumanna ket mangala ti Human Resource Management wenno HRM.
Inlawlawagna a ti karirigatan a paset idi agad-adal isuna ket idi third year college ken manarimaan ti kainget ti covid-19 pandemic ta adu idi dagiti araramidenda.
Nupay kasta nagbalin a motibasyonna ti rigat dagiti nagannakna para iti panagadalna ta naamirisna dagiti sakripisyoda para kenkuana.
VIDEO OF ENGR. LOI VALERIE BAJOG MARZAN
