VIGAN CITY – Maysa a baro iti kinabil ti dua a lalaki idiay Brgy. Cabaroan, Sta. Maria, Ilocos Sur.
Nabigbig ti biktima a ni Christian Belon Venezuela, agtawen ti sangapulo ket siam nga agnaed idiay Brgy. Silag, Sta. Maria idinto a dagiti suspek ket da Darwin Lamsen Bayucay, agtawen ti duapulo ket tallo, baro; ken ni John Carlo Ronquillo Martinez, agtawen ti duapulo ket lima, baro nga agpada nga agnaed idiay Brgy. Cabaroan, Sta. Maria.
Segun ti Sta. Maria Police Station, nagreport ti biktima inaig iti panangkabil kenkuana dagiti saanna a nabigbig a lallaki idi January 22, 2022 iti kalsada a paset iti nasao a barangay.
Pinasingkedan ti biktima a bayat ti panagawidna ket adda ti uppat a lallaki a naglugan ti dua a motorsiklo iti nangbugkaw kenkuana isu a nagsardeng ket kinumprontarna ngem adda dua a suspek ti nangprubokar, nangiduron ken nangdanog iti ulona.
Gapu ti dayta, naaddaan ti pasa ti biktima a gappuanan ti pannakaipanna iti Ilocos Sur District Narvacan para iti physical exam-na idinto a nabigbig ken nakemmeg dagiti suspek babaen ti naisayangkat nga imbestigasyon ti PNP.
Iti agdama, addan dagiti suspek ti kustodiya ti pannakabagi ti linteg tapno dumalan ti husto a proseso.
