Maysa a barangay iti ili ti Santa, naidalan iti granular lockdown

VIGAN CITY – Maidalan iti granular lockdown ti Brgy Magsaysay, Santa partikular ti innem a household gapu ta close contact-da ti pasyente a nagpositibo iti Covid19.

Babaen ti bileg ti Executive Order No. 06, awan ti rumbeng a kameng ti pamilyada ti mapalubusan a rumuar ken sumrek iti perimeter a sakupen ti mailockdown ken awan ti maipalubos a mapan bumisita.

Dagiti opsiyal ti barangay ket nadutukan nga agpatrol ken imonitor iti sakupen ti nailockdown.

Epektibon nanipud idi kalman Enero 21 agingga Enero 31 ti agdama a tawen ti pannakaidalan ti nasao a lugar iti granular lockdown.