VIGAN CITY – Mapukpukaw ti maysa a balasang idiay Brgy. Pinipin, Sta. Cruz kas impakaammo ti kabsatna.
Nabigbig ti mapukpukaw a ni Rose Ann Bennagen Javonitalla, agtawen ti duapulo ket tallo, balasang nga agnaed idiay Brgy. Pinipin, Sta. Cruz.
Segun ti Sta. Cruz Municipal Police Station, impakammo ni Gerald Bennagen Javonitalla, agtawen ti duapulo, baro nga agnaed met laeng ti nasao a lugar nga idi January 17 iti agdama a tawen ti oras ti 9:30 iti bigat ket mapukpukaw ti kabsatna kalpasan a nagpakada a mapan ti pagtaengan ti gayyemna a taga-Brgy. Bayugao, Sta. Cruz ngem saanen a nakasubli pay.
Naudin a nakita a naka-long sleeve ken nakapangisit a leggings ni Rose Ann ket kiddaw ti pamiliana kadagiti makakita nga ipakammoda laeng kadakuada wenno kadagiti pannakabagi ti linteg nu makitada ti basalang.
