VIGAN CITY – PHP40K a naipalaon iti wallet ti natakaw manipud ken ni Tricia Espelete Ingan, agtawen iti duapulo ket pito.
Nabigbig met ti suspek a da Mia Mae Ibus Bayani, alyas Maya, agtawen iti duapulo ket innem taga-Barangay Cadanglaan, Sinait.
Iti panaki-uman ti Bombo Radyo Vigan ken ni PCAPT Romeo Bryan Lopez, adda itis alas ti biktima idin ta nakitana ti babai a nakasuot iti jogging pants ken black hoody jacket a nagdardaras a napan iti balayda isu a sinangatna met ken tinengngelna.
Nupay kasta, saan a nagpatengngel ti suspek ket nangala iti kutsilyo a rason ti nagbutngan ti biktima.
Timmaray ti suspek kas makita iti CCTV ken natakuatan ti biktima a mapukpukaw ti walletna a naglaon iti nasao a gatad a naidulin iti cabinet room na.
Naisayangkat ti follow up operation ket nakemmeg daytoy iti lugarda.
Natakuatan nga inkali ti suspek ti jacket, kallugong ken kuarta a tinakawna.
Nakuna pay ti suspek a ti kuarta ket aramatenna a pagbayad kadagiti utangna.
Maisagsagana metten ti kaso a theft a maipila kontra iti suspek a kabagyan met laeng ti biktima.
