VIGAN CITY – Nakemmeg ni Karen Joy Redoque, agtawen iti tallopulo a taga-Capangpangan, Vigan City babaen iti naiwayat nga Anti-Illegal Drug Operation idiay Barangay VI, Vigan City.
Naaktuan ti suspek nga agilaklako iti maysa a small heat-sealed transparent plastic sacher a naglaon iti mapapati a shabu iti poseur buyer a pulis.
Naala kenkuana ti maysa a small heat-sealed transparent plastic sachet ti shabu nga isu ti nagserbi a buy bust item, dua a small heat-sealed transparent plastic sachet iti shabu, maysa a lima gasut a pisos a marked money ken maysa a small paper.
Dagiti naala a shabu ket agdagsen iti nasurok kumurang lima a gramo ken aggatad iti tallo ribo uppat a gasut a pisos.
Sangwen ti suspek iti kaso a panaglabsing iti Republic Act 9165 wenno ti Comprehensive Dangerous Drugs Act of 2002.
