VIGAN CITY – Nakemmeg ti maysa a street level individual iti naisayangkat a buy bust operation idiay Barangay 9, Vigan City.
Ti suspek ket agtawen ti sangapulo ket siam, balasang, awanan ti trabaho, tubo idiay Block 9, San Roque, Tarlac City, ken agdama nga agnanaed iti Barangay 9, Vigan City.
Iti pannaki-uman ti Bombo Radyo Vigan ken ni PLt. Col. Reynante Pitpitan a hepe ti Vigan City Police Station, insayangkatda ti drug operation kaduada ti Philippine Drug Enfocement Agency ket naaktoanda a nagilako ti maysa a bassit a transparent plastc a naglaon ti mapapati a shabu a nabungon iti papel.
Segun ken ni Pitpitan, imimbestigarandan nu adda pay dagiti kakadua ti suspek iti kaasideg nga ili gapu ta saan met nga agnanaed iti probinsia.
Nupay kasta, naala pay kenkuana ti maysa a piraso ti medicine wrapper a naglaon ti dua a piraso ti bassit a transparent plastic a naglaon ti mapapati a shabu, maysa a piraso iti aluminum foil a naglaon iti mapapati a shabu, uppat a piraso ti fold aluminum foil, maysa a piraso ti P1,000, dua a piraso ti P500 ken maysa a piraso ti P200.
Mapatta-patta nga agdagsen ti nasurok kumurang 1.5 a gramo ti naala manipod ti suspek nga aggtad ti P10,500.
Immuna a naipan ti suspek ti Ilocos Sur Provincial Hospital para ti medico legal ngem iti agdama ket addan iti kustodiya iti Vigan City Police Station karamanen dagiti naala kenkuana para iti proper disposition ken documentation.
VOICE CLIP OF PLT. COL. REYNANTE PITPITAN
