VIGAN CITY – Agtinawenen a maisayangkat ti Basu-Rice idiay ili ti Sta. Maria tunggal magtengan iti piyesta dagiti natay a kas pinasingkedan ni Mayor Brigido “Boy” Camarillo Jr.
Segun ken ni Camarillo, napintas iti nagapuanan na iti nasao nga aktibidad idi napalabas a tawen agsipud ta awan iti basura a nakita da nga agkaiwara iti kampo santo saan a kas kadagiti naglabas a tawen.
Agsipud iti dayta, plano ti administrasyon na nga itultuloyen iti nasao a programa ta malaksid a madalusan iti aglawlaw iti kampo santo nu panawan dagiti mapan mangkita kadagiti minnatay da, makatulong da pay kadagiti umili ta ti basura a piduten da ket bagas iti kasukat na, depende nu kasanu kaadu ti basura a napidot da.
Namnamaen ti mayor a babaen iti nasao a programa ket masursurwan dagiti tattao nga agidalimanek kadagiti rugit da, saan laeng a ti kampo santo nu di ket nu aniyaman a lugar iti papanan da.
