Inrekomendar ni Senator Loren Legarda nga ilatang iti edukasyon iti aniaman a pondo a matiped manipod kadagiti kwestyunable a proyekto iti Department of Public Works and Highways (DPWH) iti 2025.
Patien ni Legarda nga adda P1 trillion a gatad dagiti proyekto nga overpriced ita a tawen.
Insingasing ni Legarda a maaddaan ti renegotiation kadagiti proyekto uray adda kontrata ta mabalinda met nga aramiden kasaruno iti New Government Procurement Act.
Sinigurado met ni DPWH Secretary Vince Dizon nga ipatungpalda ti cost adjustment para iti nalaklaka a gatad dagiti materyales.
Adalen pay ti ahensya nu kasano a maikamakam dagiti ongoing a proyekto idinto a dagiti saan pay a nai-award a proyekto ket maipatungpal babaen iti nalaklaka a presyo dagiti construction materials a sigurado nga agresulta iti savings.
Impaganetget met ni Legarda nga aniaman a matiped ket rumbeng a mailatang iti school infrastructure.
