Saan laeng nga iti naidumduma a siribna iti matematika no apay a mabigbigbig ni Wei Dongyi manipud China no di ket uray iti simple laeng a panagbiagna.
Segun kadagiti analyst, umabot laeng iti 300 yuan wenno P2,400 ti kada bulan ti gastosna.
Nabigbig isuna idiay China idi adda pay laeng iti highschool ta nagun-odna dagiti gold medal nga adda perfect score na iti maika-uppat a pulo ket siam, ken maikalimapulo nga International Mathematical Olympiads.
Iti baet ti kinasiribna, ad-adda a nangtukay iti rikna ti publiko ti panagbalinna a simple ken awan bibiangna iti langana.
Nagviral ni Wei kalpasan a naipabuya ti maysa a video a nagulo ti buokna, saan a pantay ti ngipenna, nakasuot iti simple a kawes nga adda iggemna a dakkel a bote ti danum ken plastic bag ti steamed buns.
