Nakemmeg ti mapapati a mastermind ti pannakadukot ni American national Elliot Onil Eastman iti kabaybayan ti nagbaetan ti Zamboanga City ken Basilan Strait.
Segun ken ni Lt. Col. Ramoncelio Sawan nga acting spokesman iti Zamboanga Peninsula Police, ti suspek ket nabigbig a ni Jackarai Siddik jamani alyas Ustadz, agtawen iti tallopulo ket lima a nagpanggep a naglibas idiay Basilan idi nakemmeg bayat ti kaaddana iti passenger vessel.
Inserbi ti joint team iti arrest warrant ken ni Jamani inaig iti pannakadukot ni Eastman idiay Sibuco, Zamboanga del Norte idi October 2024.
Ti warrant ket inruar ti local court idiay Siocon town idi December 22 ket awan ti pyansa a nairekomendar ken ni Jamani para iti temporaryo a pannakawaya-wayana.
Dagiti Police Special Action Force commandos iti nakalapped iti vessel ken nakakemmeg ken ni Jamani.
Naipan ti suspek iti Sibuco Police Station para ti documentation ken presentation iti korte a nagiruar ti arrest warrant.
Ni Eastman ket agtawen iti duapulo ket innem manipod US State of Vermont a nadukot manipod iti pagtaengan ti nagannak ti asawana a Pilipina idiay Sitio Tungawan, Barangay Poblacion idi October 7.
